Presidenti i SHBA-së, Donald Trump, beson se është e nevojshme të çaktivizohet impianti bërthamor iranian në Fordo, raporton CBS News, duke cituar burime të shumta.
Sipas këtyre burimeve, Trump është i vetëdijshëm për rreziqet dhe përfitimet e bombardimit të mundshëm të objektit, dhe pikëpamja e tij është se “nuk ka shumë zgjedhje”.
“Ai beson se nuk ka shumë zgjedhje”, tha një burim për CBS. “Përfundimi i punës do të thotë shkatërrimi i Fordos”, shtoi ai.
Siç është raportuar më parë nga mediat amerikane, Trump ka ditë që po shqyrton përfshirjen e mundshme të SHBA-së në konfliktin në përshkallëzim. Të mërkurën, ai u tha gazetarëve se ende nuk kishte marrë një vendim përfundimtar.
CBS shton se Trump, sipas informacioneve të mëngjesit të së enjtes, ende po shqyrton mundësitë dhe nuk ka marrë ende një vendim të prerë.
