Nga Ilir KRASNIQI
Kur mendojmë për udhëtime, menjëherë na vijnë në mendje metropolet, por sapo të arrini të vie ndërmend pushimi larg zhurmave ku jeta rrjedh më ngadalë dhe nuk është e mbipopulluar me turistë. Një qytet i vogël plot sharm Divonne-les-Bains 20 km nga Gjeneva në kufirin franko -zviceran me një popullsi mbi 10.000 banorë është ideal për ta vizituar.
Pas disa orë qëndrimi në Gjenevë, para pikut të trafikut të ngarkuar largohemi në drejtim të këtij qyteti në Francë.
Një shëtitje e qetë, nëpër rrugët që duken sikur janë vizatuar, duke shijuar detajet e vogla të shtëpive , të cilat zakonisht janë të zbukuruara me lule, do të jetë diçka që do ta mbani mend për një kohë të gjatë. Per ata që punojne në Zvicër ndërkohë që jeton në Francë, ky vend ofron disa përparësi ekonomike (paga të larta në Zvicër dhe norma të ulëta taksash). Megjithatë ky qytet është i 9 në nivel kombëtar më i shtrenjti! Sipas legjendës , Divon do të thotë ujë hyjor në gjuhën galeze.
Këtu Sipas statistikave lokale, afërsisht 50% e popullsisë aktive të Divonne-les-Bains punon në Zvicër. Prandaj, popullsia e qytetit është mjaft e lartë, dhe kështu është edhe cilësia e jetës. Sipas disa statistikave më shumë se 65 për qind e popullsisë është mbi 30 vjeç. Divonne les bains nje qytet termal, me një klim malore ka një liqe artificial Leman, e cila është pika qendrore në ditët me diell.vijnë vendasit dhe pushuesit për t’u çlodhur ose për të shijuar sportet.
Vend ideal për një piknik. Aty mund të merrni një kajak ose varkë me pedale për të eksploruar ujërat e qeta, ndërsa shijoni pamje piktoreske të maleve përreth.Plazhi i vogël dhe i mbikëqyrur në Divonne-les-Bains është një plazh me pagesë (4.50 € për të rritur).Është i veshur me rërë, por pjesa më e madhe e tij është e mbuluar me bar. Përreth liqenit është parku i pyllëzuar. Ata që duan një shëtitje të këndshme duhet ndjekur rrjedhën e lumit Divonne përgjatë një brezi të gjelbër që gjarpëron drejt Marais des Bidonnes.
Ky vend ka një shteg “Divonne au fil de l’eau me një gjatësi 5 kilometra ku do të shihni burimet e fashme të ujit të qytetit të përdorurar qysh nga koha romake. Uji i këtij vendi është i një cilësie tejet të mirë.
Qyteti është i mbushur nga shatërvanet dhe pishinat e tij, të cilat kujtojnë trashëgëmnië e tij të pasur ujore.
Rrugët e qendrës së qytetit janë të mbushura me lule, dyqane të vogla, shatërvanët dhe sheshet e qeta. Ata që dëshirojnë të bëjnë një blic vizitë në qytet, kanë në dispozicion biçikleta elektrike në shërbim me pagesë. Ndërsa qyteti ka 31 km stigje per biçikleta.
Është interesat që në këtë qytet edhe pse i vogël ka pesë pika të mbushjes me energji elektrike.
NJë kazino të madhe. Në qytet ka dy fusha golfi një m 18 e tjetri me 8 vrima. Një kinema me sallë spektakli, 8 fusha tenisi, një qendër nautike olimpike, 4 fusha futbolli, hipodrom, një park patinazhi. Ne kete vend ofrohen specialitete nga gastronomia franceze. Një vend që ia vlen të vizitohet.
Jeta qytetare gjallërohet çdo të diel me tregun tradicional, ndër më të mëdhenjtë në rajon, ku ekspozohen prodhime vendore si djathëra artizanalë, fruta, perime të stinës dhe artikuj artizani. Ky treg ruan shpirtin autentik të provincës franceze dhe krijon një atmosferë të ngrohtë dhe të gjallë për banorët dhe vizitorët njëherazi.
Divonne-les-Bains është gjithashtu një destinacion që i kushton vëmendje të veçantë kulinarisë lokale. Qyteti ofron një gamë restorantesh me kuzhinë franceze të rafinuar, ku shijohen specialitete të rajonit si djathi Comté, foie gras artizanal, pjatat me peshk të freskët nga liqeni, si dhe ëmbëlsira tradicionale franceze. Disa nga restorantet lokale, të vendosura në ambient të qetë pranë natyrës ose në hapësira elegante historike, ofrojnë një përvojë gastronomike që plotëson atmosferën e përgjithshme të qytetit: delikate, e balancuar dhe e përkushtuar ndaj cilësisë. Në restorane do te mund të shijoni sallatë Cezari me pulë krokante ose salmon të tymosur, Tartar viçi i përgatitur me dorë, Karbonadë në stilin flamand, fileto Meuniere nga Liqeni i Gjenevës por edhe nga kuzhina te jashtme si shishka të përziera libaneze -pule, qengji dhe viçi.
