Presidenti i SHBA-së, Donald Trump, tha dje se Izraeli kishte rënë dakord me kushtet e një marrëveshjeje përfundimtare për një armëpushim 60-ditor në Gaza, gjatë së cilës do të bëheshin përpjekje për t’i dhënë fund luftës në enklavën palestineze.
“Përfaqësuesit e mi patën sot një takim të gjatë dhe konstruktiv me izraelitët për Gazën. Izraeli ra dakord për kushtet e nevojshme për të arritur një ARMPUSHIM 60-ditor, gjatë të cilit ne do të punojmë me të gjitha palët për t’i dhënë fund luftës”, tha Trump në rrjetet sociale.
“Katari dhe egjiptianët, të cilët kanë punuar shumë për të sjellë paqen, do ta paraqesin këtë propozim përfundimtar. Shpresoj, për hir të Lindjes së Mesme, që Hamasi ta pranojë këtë ofertë sepse nuk do të përmirësohet – vetëm do të përkeqësohet”, përfundoi presidenti i SHBA-së.
