Policia e Kosovës ka arrestuar katër persona të dyshuar për zjarrevënie të dyshimtë në rajonin ne Pejës.
“Gjithsejtë janё proceduar 14 raste tё zjarrёvenieve, janё arrestuar dhe intervistuar 4 persona tё dyshuar, nё koordinim me prokurorin e Shtetit, janё dёrguar nё procedurё tё rregullt, ndёrsa pёr 10 raste tё zjarrёvёnies janё dёrguar nё prokurorinё e Shtetit pёr procedura tё mëtutjeshme ligjore”, njofton policia.
Drejtoria Rajonale e Policisë nё Pejё, thotë se gjatё kёtyre ditёve ka ndërmarr masa ligjore ndaj të gjithë atyre individëve tё cilët kanë shkaktuar zjarre, qoftë qëllimisht apo përmes pakujdesisë së shfaqur në çfarëdo forme.
“Nё zonёn e pёrgjegjёsisё se Drejtorisë Rajonale tё Policisë nё Pejё, kanё ndodhur dёmё tё konsiderueshme nё fusha tё hapura (tё mbjella me grurё) dhe shtёpi. Policia e Kosovёs falënderon tё gjithё qytetarёt tё cilёt nё forma tё ndryshme kanё njoftuar pёr zjarrёvёnie dhe kanё ndihmuar nё shuarjen e zjarrit nё lokacione tё ndryshme”, thuhet më tej në njofim.
Policia me këtët rast apelon tё tё gjithё qytetarët, qё maksimalisht tё jenё tё kujdesshёm nё çdo aktivitet qё mund tё shkaktoj zjarre gjatё përdorimit si: shkrepsa, cigare, grilla, zjarre nё natyrё etj.
