Në Stacionin e Autobusëve në Prishtinë kanë filluar punimet për rikonstruktimin e fontanës publike. Për këtë një pjesë e hapësirës përreth fontanës do të jetë e pa qasshme, kanë njoftuar nga Stacioni i Autobusëve në Prishtinë.
“Ju njoftojmë se hapësirat e Stacionit të Autobusëve në Prishtinë, kanë filluar punimet për rikonstruktimin e fontanës publike. Këto punime janë pjesë e angazhimit tonë për përmirësimin e infrastrukturës dhe krijimin e një ambienti më të pastër, më funksional dhe më estetik për të gjithë udhëtarët dhe qytetarët që frekuentojnë këtë zonë. Gjatë kohës së realizimit të punimeve, një pjesë e hapësirës përreth fontanës do të jetë e rrethuar dhe e pamundshme për qasje publike. Ju lusim për mirëkuptim dhe bashkëpunim, si dhe për respektimin e sinjalizimit dhe udhëzimeve të vendosura në terren”, thuhet në njoftim të Stacionit të Autobusëve në Prishtinë.
