Një rast i vjedhjes së rëndë është raportuar sot në mëngjes në Prishtinë. Sipas ankuesit, nga lokali i tij i argjendarisë është vjedhur një sasi e konsiderueshme ari.
Në raportin 24 orësh njoftohet se njësitë përkatëse të Policisë së Kosovës kanë dalë menjëherë në vendin e ngjarjes dhe kanë nisur hetimet për zbardhjen e rastit.
Ende nuk janë bërë të ditura detaje të tjera rreth mënyrës së kryerjes së vjedhjes apo vlera e saktë e dëmit material.
Rasti po trajtohet si “Vjedhje e rëndë” dhe mbetet nën hetim.
