Ministri në detyrë i Mbrojtjes, Ejup Maqedonci, është takuar me homologun e tij turk, Yasar Guler. Maqedonci ka theksuar se në këtë takim është diskutuar për rolin strategjik që do të ketë Kosova në rajon pas funksionalizimit të fabrikës së municionit,
Maqedonci ka theksuar se ky projekt do të rrisë ndjeshëm aftësitë e FSK-së, do të mundësoj vet-qëndrueshmëri logjistike dhe do të kontribuojë në stabilitetin e përgjithshëm të rajonit.
“Kosova, duke forcuar strukturat e saj mbrojtëse, do të jetë në një pozicion më të mirë për të kontribuar në sigurinë rajonale dhe për të ndihmuar në promovimin e paqes dhe stabilitetit”, ka shkruar Maqedonci në Facebook.
Në këtë takim, Maqedonci ka theksuar rëndësinë e bashkëpunimit ndërmjet dy shteteve.
“… marrëdhëniet tona janë thelbësore për stabilitetin dhe sigurinë në rajon, ndërsa u dakorduam për vazhdimësinë e bashkëpunimit si element kyç, strategjik për sigurinë e rajonit”, ka shkruar ai.
