Një person është arrestuar mbrëmjen e së shtunës në fshatin Korishë të Prizrenit, pasi dyshohet se ka shtënë me armë zjarri gjatë një ahengu familjar. Ngjarja ka ndodhu rreth orës 22:45, kur i dyshuari, ka përdorur një armë automatike të tipit AK-47.
“Sipas informatave të para, i dyshuari ka shtënë me armë në një aheng familjar. Policia ka intervenuar menjëherë, duke sekuestruar një armë zjarri AK-47 me 10 fishekë. Në vendin e ngjarjes janë gjetur edhe katër gëzhoja”, thuhet në njoftimin e Policisë së Kosovës.
Pas inicimit të rastit, me vendim të prokurorit, i dyshuari është dërguar në mbajtje, ndërsa ndaj tij pritet të ngrihen akuza për armëmbajtje pa leje dhe rrezikim të sigurisë publike.
