Kërkimet për gjetjen e trupit të pajetë të 33-vjeçarit nga Ceraja e Mitrovicës , i cili dyshohet se është mbytur në Liqenin e Ujmanit, kanë vazhduar edhe gjatë natës.
Deri më tash janë paraqitur vështirë për shkak se thellësia e liqenit arrin mbi 20 metra.
Një person dyshohet se është mbytur të dielën pasi është hedhur nga ura në Liqenin e Ujmanit, ka theksuar Policia e Kosovës. Policia ka bënë të ditur se ai është hedhur për t’u larë, por nuk ka dalë më nga uji.
Shoqata e Kosovës për Kërkim-Shpëtim, dje ka njoftuar se më 27 Korrik 2025, është angazhuar në operacionin e kërkimit në Liqenin e Ujmanit, për identifikimin dhe gjetjen e një personi 33-vjeçar, i cili dyshohet se është mbytur.
Kërkimet janë duke u zhvilluar në bashkëpunim me institucionet përkatëse dhe ekipet specializuese të terrenit dhe zhytjes.
