Kreu i Aleancës për Ardhmërinë e Kosovës, Ramush Haradinaj ka kujtuar bashkëluftëtarin e UÇK-së, Tahir Sinanin, në përvjetorin e vdekjes së tij.
“Nga Tropoja në çdo vatër të qëndresës, bashkëluftëtari Tahir Sinani ishte në vijën e parë, i paepur dhe i vendosur për çlirimin e trojeve. Jetën ia kushtoi atdheut, dhe me veprën e tij hyri përjetësisht në historinë tonë”, ka shkruar ai në Facebook.
Sinani ka qenë oficer i Ushtrisë së Shqipërisë dhe komandant i Ushtrisë Çlirimtare të Kosovës.
Më 29 korrik 2001, Tahir Sinani së bashku me 4 luftëtarët e tij e humbi jetën në aksident.
