Pasagjeri i një miliontë për këtë vit u prit solemnisht në Aeroportin e Varnës. Gerhard Peschke mbërriti me fluturim nga Frankfurti me gruan, dy fëmijët dhe dy nipërit e tij. Familja do të qëndrojë në Obzor, tha Peschke. Sipasfjalëve të tij, pushimet e tyre do të zgjasin 9 ditë dhe kjo është vizita e tyre e dytë në Bullgari.
Pasagjeri i një miliontë u prit zyrtarisht nga ekipi i Aeroportit i kryesuar nga drejtori Dimitër Kostadinov. Ai kujtoi se tradita e pritjes ka filluar që nga viti 2002. Në vitin 2025, numri i pasagjerëve arriti në 1 milion, 3 javë më herët se në vitin 2024. Kostadinov saktësoi se deri më tani, në aeroport janë realizuar 8100 fluturime të nisura dhe të pranuara. Rritja e fluturimeve për vitin pritet të jetë 15%. Aeroporti në qytetin bregdetar pritet të shërbejë 1900000 pasagjerë deri më 31 dhjetor.
