Superjahti “Amadea”, i cili u sekuestrua nga Shtetet e Bashkuara të Amerikës në vitin 2022 nga oligarku rus Suleiman Kerimov, do të nxirret në ankand, i cili do të zgjasë deri më 10 shtator.
Sipas Departamentit të Drejtësisë të SHBA-së, anija 106 metra e gjatë me pishinë, xhakuzi, platformë uljeje helikopterësh dhe palestër që mund të akomodojë deri në gjashtëmbëdhjetë pasagjerë në tetë kabina luksoze vlerësohet në 325 milionë dollarë.
Jahti besohet se i përket oligarkut Sulejman Kerimov, i cili është nën sanksione të SHBA-së.
Edhe pse ofertuesi fitues ka shumë të ngjarë të jetë në gjendje ta blejë Amadea-n për një çmim dukshëm më të ulët se vlera e saj e parashikuar prej 325 milionë dollarësh, kostoja përfundimtare pritet të jetë ende e papërballueshme për shumicën. Ofertuesit duhet të paguajnë një depozitë prej 10 milionë dollarësh për ankandin me oferta të mbyllura më 10 shtator.
“Kjo mund të jetë anija më spektakolare, më sfiduese dhe më e bukur që do të shohim ndonjëherë”, tha Presidenti i Shërbimit Detar Kombëtar, Bob Toney.
Anija u sekuestrua në Fixhi tre vjet më parë nga Operacioni KleptoCapture, një task forcë e Departamentit të Drejtësisë e shpërbërë që atëherë, e nisur në vitin 2022 për të sekuestruar asetet e oligarkëve të sanksionuar pas pushtimit të Ukrainës nga Rusia.
Anija u sekuestrua në Fixhi tre vjet më parë nga Operacioni KleptoCapture, një task forcë e Departamentit të Drejtësisë e shpërbërë që atëherë, e nisur në vitin 2022 për të sekuestruar asetet e oligarkëve të sanksionuar pas pushtimit të Ukrainës nga Rusia.
Procesi i sekuestrimit nuk ka qenë i qetë. Sipas një dokumenti të kohëve të fundit gjyqësor, qeveria federale ka pasur kosto prej rreth 32 milionë dollarësh në lidhje me mirëmbajtjen, ruajtjen dhe transportimin e Amadea-s.
Qeveria po përpiqet ta bindë Eduard Khudainatov, një tjetër oligark rus, të paguajë faturën për këto shpenzime, duke argumentuar se ishte përpjekja e tij për të pretenduar anijen që e bllokoi procesin e ankandit. Kjo betejë ligjore do të vazhdojë në muajt në vijim.
