Sulmet ruse plagosën të paktën 19 persona në rajonin Zaporizhzhia të Ukrainës, tha Ministria e Jashtme e Ukrainës. Rusia sulmoi Zaporizhzhian me bomba ajrore të drejtuara, duke goditur zona banimi, një stacion autobusi dhe një klinikë, tha ministria e jashtme e Ukrainës në një postim në X.
Të paktën 19 persona u plagosën, njëri prej të cilëve u nxor nga rrënojat e ndërtesave të shkatërruara nga shërbimet e emergjencës, shtoi postimi.
Zelensky: Nevojitet presion
Presidenti ukrainas Volodymyr Zelensky konfirmoi se shërbimet e emergjencës janë në vendngjarje pas një sulmi rus në rajonin e Zaporizhias. “Fatkeqësisht, ka të lënduar”, theksoi Zelensky.
“Kjo është arsyeja pse nevojiten sanksione, nevojitet presion. Nevojitet forcë – nga Shtetet e Bashkuara, Evropa, të gjitha kombet e botës që duan paqe dhe stabilitet në marrëdhëniet ndërkombëtare”, shtoi ai.
Rajoni i Zaporizhias është në vijën e parë të luftës që Rusia nisi kundër Ukrainës fqinje në shkurt të vitit 2022.
