Kreu i Aleancës për Ardhmërinë e Kosovës (AAK), Ramush Haradinaj, ka përkujtuar të rënët gjatë javës së dytë të gushtit 1998, në kuadër të Luftës Çlirimtare të Kosovës.
Përmes një postimi në Facebook, Haradinaj ka shkruar se çdo ditë e luftës sjell emocione, dhembje e krenari.
Ai ka përkujtuar me respekt dhe nderim të rënët Enver dhe Orhan Halilaj, Maxhun Çekaj, Naim Nimanaj, Halil Sejfijaj, Arben Ahmetaj, Gëzim Dervishaj, Halil Berisha, Malë Zejnaj, Nexhat Humaj, Naser Idrizaj, Hasan Osmani, Arton Hasanaj dhe Agron Thaqi.
“Me dhembje e krenari, kujtojmë të rënët e javës së dytë të gushtit 1998. Heroizmi i tyre frymëzoi shumë luftëtarë lirie e shumë beteja të tjera deri në çlirimin e vendit. Përgjithmonë në kujtesën tonë historike!”, ka shkruar Haradinaj.
