Katër persona janë arrestuar nga Policia e Kosovës pas një grabitjeje që ka ndodhur në orët e para të mëngjesit në rrugën “Nëna Terezë” në Fushë Kosovë.
Sipas raportit ditor të Policisë së Kosovës “raportohet se janë arrestuar katër të dyshuar meshkuj kosovarë, pasi që të njëjtit duke i hedhur sprej viktimës mashkull kosovar, i kanë grabitur çantën e krahut me 8.000 €.”
Policia bën të ditur se pas intervistimit, “të dyshuarit me vendim të prokurorit dërgohen në mbajtje.”
