Gjatë fundjavës, njësitë policore në rajonin e Mitrovicës së Jugut kanë ndërmarrë veprime të shpejta dhe efikase në disa lokacione, duke konfiskuar tri armë zjarri të cilat ishin përdorur në mënyrë të paligjshme gjatë ahengjeve familjare.
Sipas i Policisë, dy armë zjarri janë konfiskuar në Vushtrri dhe një armë tjetër është konfiskuar në Skenderaj.
“Bashkë me armët, policia ka sekuestruar edhe municion të ndryshëm, i cili është proceduar si dëshmi materiale në kuadër të rasteve përkatëse”, thuhet në njoftim.
Në lidhje me këto raste tre persona të dyshuar janë arrestuar, dy prej tyre janë liruar në procedurë të rregullt, njërit i është caktuar masa e ndalimit për 48 orë.
Ndaj tyre janë iniciuar procedura penale për veprat “Armëmbajtje pa leje” dhe “Përdorim i armës në mënyrë të kundërligjshme”.
