Shoqata e Transportit të Autobusëve Podujevë–Prishtinë ka mbajtur sot një protestë para objektit të Komunës së Prishtinës. Protesta është zhvilluar në orën 08:00 të mëngjesit, në kohën kur bëhet nisja e parë e autobusëve nga Podujeva për në kryeqytet.
Shkas për protestën është vendimi i Komunës së Prishtinës për të rikthyer ndalesën e kthimit të autobusëve në afërsi të Xhamisë së Llapit.
Sipas Shoqatës, ky vendim u vështirëson qarkullimin transportuesve dhe u shkakton probleme qytetarëve që udhëtojnë çdo ditë nga Podujeva në Prishtinë.
Kjo protestë erdhi një ditë pas aksionit të Komunës së Prishtinës, e cila në bashkëpunim me Policinë e Kosovës ndaloi kthimin e autobusëve në atë lokacion.
Transportuesit kërkojnë që ndalesa të hiqet dhe linja të funksionojë sipas praktikës së mëparshme.
