Rast i dhunës në familje në Prishtinë, viktima vendoset në strehim të sigurt. Policia e Kosovës ka raportuar për një rast të dhunës në familje që ka ndodhur në Prishtinë.
Sipas raportit 24-orësh të Policisë, një grua kosovare ka raportuar se është kanosur nga bashkëshorti i saj, i cili, sipas viktimës, paraqet rrezik për sigurinë e saj.
“Është raportuar se viktima femër kosovare, është kanosur nga i dyshuari mashkull – bashkëshorti i saj dhe e njëjta ndjehet e frikësuar dhe e rrezikuar prej tij”, thuhet në raportin e Policisë.
Për shkak të gjendjes shëndetësore të të dyshuarit, ai ende nuk është intervistuar nga organet kompetente, por parashikohet që intervistimi të bëhet në ditët në vijim.
Ndërkohë, viktima është sistemuar në një lokacion të sigurt, ku ndjehet e mbrojtur dhe jashtë rrezikut të menjëhershëm.
