Policia e Kosovës ka arrestuar një 31 vjeçar nën dyshimet se i njëjti kishte ushtruar dhunë fizike e psikologjike ndaj të dashurës së tij, madje policia thotë se nuk përjashtohet as dyshimi se njëjti mund të ketë kryer edhe veprën penale të dhunimit.
“Pas një angazhimi intensiv hetimor dhe operacional, ka arritur të identifikoj, lokalizoj dhe arrestoj një person të dyshuar për kryerjen e disa veprave të rënda penale. Rasti dyshohet të ketë ndodhur në Fushë Kosovë, me ç’rast dyshimet janë ngritur për ushtrimin e dhunës fizike dhe psikologjike që i dyshuari dyshohet të ketë ushtruar ndaj të dashurës së tij, duke mos përjashtuar edhe dyshimet e ngritura për kryerje të veprës penale të dhunimit”, thotë policia.
Tutje bëhet e ditur se tek i dyshuari gjatë arrestimit janë gjetur e sekuestruar substanca narkotike të dyshuara si kokainë, një armë zjarri me municion si dhe mjete të tjera të kundërligjshme.
Policia k treguar se gjatë arrestimit, tek i dyshuari janë gjetur dhe sekuestruar substanca narkotike të dyshuara si kokainë, një armë zjarri me municion si dhe mjete të tjera të kundërligjshme.
“ L. H, mashkull, 31 vjeç, shtetas i Republikës së Kosovës, me aktvendim mbi ndalimin e personit të dyshuar të nxjerrë nga ana e prokurorit të shtetit është dërguar në qendrën e mbajtjes për 48 orë, dhe ndaj tij është iniciuar një hetim në drejtim të veprave penale: Dhunimi, mbajtja në pronësi, kontroll ose posedim të pa autorizuar të armëve, si dhe posedim i paautorizuar i substancave narkotike”, thuhet në njoftim.
