“Çdo ditë e humbur është ditë e humbur për Kosovën, për popullin e saj, për perspektivën tonë euroatlantike. Kështu që shpresoj që të gjendet një zgjidhje në përputhje me Kushtetutën sa më parë që të jetë e mundur”, deklaroi Osmani.

Presidentja nuk ka dashur të komentojë situatën lidhur me ndarjen e votimit për nënkryetar Kuvendi nga radhët komuniteteve.

“Nuk dua të jap interpretime kushtetuese këtu në këtë situatë, ju lus për mirëkuptim, sepse sot siç e patë së bashku me familjet përkujtuam të gjithë ata që akoma mbesin të zhdukur me dhunë. Për tema tjera e kemi ekipin mund të na dërgoni pyetjet dhe përgjigjemi”, tha Osmani.