Dy persona janë arrestuar lidhur me rastin e vdekjes së një punëtori në vendin e punës më Mushtisht të Suharekës.
Në raportin 24 orësh të Policisë, thuhet se rasti u iniciua si “asgjësim, dëmtim ose heqje e pajisjeve mbrojtëse dhe rrezikimi i sigurisë në vendin e punës”.
“Raportohet se në emergjencën e Suharekës është dërguar pa shenja jete viktima mashkull kosovar. Dyshohet se viktima në vendin e punës në rrethana ende të pa njohura ka pësuar lëndime trupore. Të gjitha njësitë përkatëse kanë dal në vendin e ngjarjes. Me vendim të prokurorit, dy të dyshuar meshkuj kosovarë janë arrestuar dhe pas intervistimit janë dërguar ne mbajtje, ndërsa trupi i pa jetë është dërguar në IML për obduksion”, thuhet në njoftim.
Policia njoftoi se viktima dyshohet se vdiq pasi pësoi lëndime të rënda nga vinçi.
