Drejtoria e Policisë së Kryeqytetit ka realizuar sot një operacion për kapjen e një personi të kërkuar me urdhër gjykate, i dënuar për vepër penale.
Sipas njoftimit të policisë, arrestimi i të dënuarit u bë i mundur gjatë një aksioni në kuadër të veprimeve policore që për qëllim kishin kapjen e personave të dyshuar dhe atyre të dënuar si autor të veprave penale.
Zyrtarët policorë të Stacionit Jugu, përkatësisht njësia për realizimin e urdhëresave të gjykatave, kanë arrestuar personin me iniciale D.D., mashkull, 31 vjeç, i cili ishte i dënuar me 10 muaj burgim dhe gjobë prej 3.500 euro për veprën penale “Mbajtja në pronësi, kontroll ose posedim i paautorizuar i armëve”.
Policia ka bërë të ditur se i arrestuari është dërguar në vuajtje të dënimit, konform vendimit të gjykatës.
