Kryetari i Lidhjes Demokratike të Kosovës, ka reaguar pas vendimit që kanë marrë Shtete e Bashkuara të Amerikës për suspendimin e dialogut strategjik me Kosovës për një kohë të pacaktuar.
Sipas tij, suspendimi i dialogut strategjik me SHBA-të paraqet pikën më të ulët të relacioneve të Kosovës me aleatin tonë strategjik dhe ekzistencial, si shtet i pavarur e sovran.
“Shkatërruesit e shtetit, bllokuesit historik, shkelësit e Kushtetutës, ligjeve e normave morale njerëzore, kanë zgjedhur të ndërtojnë rrugëtimin e tyre mbi krizën e përhershme, mbi frikën e pashtershme dhe mbi fatkeqësinë e Republikës. Populli i Kosovës nuk është si ta. Populli i Kosovës nuk do të jetë si ta. Është koha të bashkohemi të gjithë; t’i japim fund kësaj çmendurie politike dhe të ndërtojmë shtetin që e kemi merituar gjithmonë – para se të bëhet vonë për të gjithë”, ka shkruar në reagimin e tij, Abdixhiku.
Ai ka thënë se partia që drejton do të kujdestrarojë me përkushtim e përgjegjësi rrugën euroatlantike të Kosovës. “Do të garantojë miqësinë e përhershme me SHBA-në dhe do të rikthejë vendin tonë në binarët e arsyes, ligjit dhe demokracisë. Le t’i japim dritë Republikës sonë të përhershme!”, shkroi si reagim pas vendimit të SHBA-ve, Abdixhiku
