Copat e skuqura të proshutës janë një surprizë e papritur në një salcë të hollë dhe të butë në të cilën janë shkrirë kërpudhat, barishtet dhe vera.Ajo që e bën këtë pulë në salcë me krem dhe verë të parezistueshme nuk është vetëm kombinimi perfekt i shijeve, por edhe mënyra se si gatuhet e gjitha në një tigan të vetëm. Më pak pjata, më shumë kohë për ta shijuar.Kërpudhat, bimët dhe vera përzihen në një salcë të shijshme që do të dëshironi ta hani “me gishta”, por më besoni, është po aq e mirë edhe me bukë, dhe copat e skuqura të proshutës janë një surprizë e papritur në salcën e hollë dhe të butë.
Shërbejeni këtë pulë me pure patatesh ose kungull, oriz , ose thjesht, vetëm me bukë. Kjo pjatë është e shkëlqyer për një drekë të shijshme që do t’i bëjë përshtypje mysafirëve, por është aq e thjeshtë dhe e shpejtë sa mund ta përgatitni vetëm për veten dhe familjen tuaj – madje edhe në mes të javës së punës .
Pulë në salcë me kërpudha dhe verë – përbërësit:
- 450 g fileto gjoks pule
- kripë
- piper
- 40 g miell i zakonshëm
- 1 lugë çaji pluhur hudhre
- 1 lugë çaji pluhur qepësh
- 1/2 lugë çaji pluhur piper i kuq
- 1 majë piper kajen
- 90 g proshutë
- 40-50 g gjalpë
- 150 g kërpudha, të prera në feta
- 2 qepë të njoma, të grira
- 2 lugë gjelle gjethe trumze të freskëta (2 lugë çaji të thata)
- 1 lugë gjelle sherbelë të freskët të grirë (1 lugë çaji të tharë)
- 250 ml verë të bardhë të thatë
- 250 ml lëng pule
- 120-150 ml krem të ëmbël, sipas nevojës
- 50 g djathë Gruyère i grirë
Pulë në salcë me kërpudha dhe verë – përgatitja:
- Kriposni dhe piperosni pulën. Në një tas të cekët, kombinoni miellin, pluhurin e hudhrës, pluhurin e qepës, specin e kuq dhe specin kajen. Rrotullojeni pulën në përzierje që të mbulohet nga të gjitha anët.
- Vendosni proshutën në një tigan të madh dhe skuqeni në zjarr mesatar derisa të bëhet krokante nga të gjitha anët, rreth 5 minuta. Hiqeni nga tigani dhe lëreni mënjanë.
- Shtoni rreth një të tretën e gjalpit dhe pulën në të njëjtin tigan. Skuqeni nga të dyja anët derisa të marrë ngjyrë kafe, 3-5 minuta për secilën anë. Shtoni një të tretën tjetër të gjalpit dhe lëreni të shkrihet dhe të marrë ngjyrë kafe, rreth 2 minuta, pastaj hiqeni pulën nga tigani.
- Shtoni kërpudhat dhe gatuajini, pa i përzier, për rreth 5 minuta. Shtoni gjalpin e mbetur, qepët e njoma, trumzën, sherbelën dhe pak kripë e piper. Përziejini dhe gatuajini për 5 minuta të tjera, derisa kërpudhat të karamelizohen.
- Shtoni verën, pastaj lëngun e mishit. Gatuajeni për 5 minuta, pastaj shtoni kremin. Kthejeni pulën në tigan. Nëse salca është shumë e trashë, shtoni 1-2 lugë të tjera miell. Spërkateni me djathë Gruyère. Gatuajeni për 5 deri në 10 minuta të tjera, derisa djathi të shkrihet. Hiqeni nga zjarri. Shijojeni dhe shtoni kripë nëse është e nevojshme. Spërkateni me proshutën krokante dhe erëzat e freskëta.
- Shërbejeni pulën me bukë të thekur dhe shijojeni.
