FONDACIONI Gates do të dhurojë 912 milionë dollarë për Fondin Global për të Luftuar AIDS-in, Tuberkulozin dhe Malarien, njoftoi Bill Gates, duke u bërë thirrje qeverive të ndalojnë shkurtimet globale në fondet e shëndetësisë. Në një aktivitet të Reuters Newsmaker në Nju Jork, Gates tha se bota ishte në një udhëkryq dhe paralajmëroi se miliona fëmijë mund të vdisnin nëse fondet do të shkurtoheshin shumë.
Donacioni i Fondacionit Gates është i njëjtë me atë të vitit 2022, kur Fondi Global, një organizatë e pavarur me seli në Gjenevë, mblodhi fonde për herë të fundit brenda një cikli buxhetor tre-vjeçar. Ky vit vjen pas shkurtimeve të mëdha të ndihmës qeveritare, kryesisht nga Shtetet e Bashkuara.
Fondacioni i themeluar 25 vjet më parë
Sipas Institutit për Metrikat dhe Vlerësimin e Shëndetit (IHME), ndihma globale për zhvillim do të bjerë me 21% midis viteve 2024 dhe 2025, në nivelin më të ulët në 15 vjet. Gates paralajmëroi se kjo mund të rrezikojë progresin që ka përgjysmuar vdekshmërinë foshnjore që nga viti 2000 dhe shpëton rreth pesë milionë jetë në vit.
Fondacioni Gates, i themeluar në vitin 2000, është një nga financuesit më të mëdhenj në botë të shëndetit global, me fokus në parandalimin e vdekjeve të nënave dhe fëmijëve, luftimin e sëmundjeve infektive dhe uljen e varfërisë. Gates njoftoi më parë këtë vit se do të dhuronte pothuajse të gjithë pasurinë e tij, e vlerësuar në 200 miliardë dollarë, deri në vitin 2045, më shpejt se sa kishte planifikuar, për shkak të nevojave urgjente në të gjithë botën.
Në eventin vjetor “Golfkeepers”, fondacioni i dha Kryeministrit spanjoll Pedro Sánchez Çmimin Global të Portierit, duke vënë në dukje se Spanja e rriti kontributin e saj në Fondin Global me 12 përqind dhe në Aleancën Globale të Vaksinave (GAVI) me 30 përqind.
