Lidhja Demokratike e Kosovës ka vazhduar fushatën elektorale për zgjedhjet e 12 tetorit në Vushtrri.
Kreu i kësaj partie Lumir Abdixhiku dhe kandidati për kryetar të kësaj komune, Xhafer Tahiri prezantuan planin për qeverisjen 4 vjeçare në Vushtrri.
“Ne kemi një emër që nuk ka nevoj% prezantim, Xhafer Tahiri, kandidati i juaj i punës. Ai tregoi si udhëhiqet me drejtësi, me punë e përkushtim. Xhafer Tahiri kthehet sërish, jo për poste privilegje, një kryetar si ky do ta ketë mbështetjen tonë e të vushtrriasve”, tha Lumir Abdixhiku, kryetar i LDK-së.
Kandidati për kryetar të Vushtrrisë nga LDK, Xhafer Tahiri premtoi se gratë dhe fëmijët do të jenë kategoritë që do të mbështeten më së shumti.
“Vushtrria ka nevojë për drejtësi, punë. Prioriteti jonë i parë është gruaja, për çdo fëmijë që lind nëna do të paguhet 400 euro shtesë. Për fëmijët me nevoja të veçanta do të ndihmohen me logoped, pas 12 tetorit më nuk do të jeni vet, do të mbështesim gratë me fonde”, tha Xhafer Tahiri, kandidat për kryetar të Vushtrrisë
Në këtë tubim u premtua se të moshuarit do të jenë gjithashtu një nga prioritetet e qeverisjes nga LDK, duke ndihmuar me qëndrim ditor e barna.
