Shtabi i Përgjithshëm i Forcave të Armatosura të Ukrainës njoftoi se një avion luftarak rus Su-34 u rrëzua pranë qytetit të Zaporizhias rreth orës 4 të mëngjesit të sotëm. Sipas ushtrisë ukrainase, avioni po merrte pjesë në sulme ndaj qytetit duke përdorur bomba të drejtuara.
“Avioni armik Su-34 u rrëzua rreth orës 4 të mëngjesit në drejtim të Zaporizhias, ku po kryente sulme terroriste duke përdorur bomba ajrore të drejtuara. Së bashku drejt fitores!”, tha Shtabi i Përgjithshëm i Ukrainës në një deklaratë.
Çfarë lloj aeroplani është ky?
Sipas organizatës britanike “Royal United Services Institute”, Su-34 është një nga avionët luftarakë më modernë të ushtrisë ruse. Është një avion luftarak supersonik shumëfunksional me dy motorë.
Ka qenë në përdorim operativ që nga viti 2014 dhe Rusia e përdor atë për sulme me raketa lundrimi dhe bomba të drejtuara ndaj objektivave ukrainase. Su-34 mund të mbajë deri në tetë ton armë të ndryshme, duke përfshirë raketa ajër-ajër dhe ajër-tokë, dhe ka një rreze veprimi prej rreth 4,000 kilometrash.
Rusia ende nuk ka komentuar mbi pretendimet e ushtrisë ukrainase për humbjen e Su-34.
