Lidhja Demokratike e Kosovës fushatën zgjedhore sot e ka vazhduar me tubimin elektoral në Pejë.
Kryetari i kësaj partie, Lumir Abdixhiku, ka shprehur besimin e tij se pejanët edhe kësaj here do ta mbështesin kandidatin që e udhëhoqi qytetin e tyre për tri mandate me radhë.
“Mjafton të ecësh në sheshet e Pejës, mjafton t’i shohësh investimet në Pejë dhe Rugovë”, ka thënë Abdixhiku.
Kandidati për kryetar të këtij qyteti, Gazmend Muhaxheri, ka thënë se në Pejë duhet të vazhdohet qeverisja e njëjtë me qëllim që kapaciteti turistik i saj të kthehet në zhvillim ekonomik.
Muhaxheri ka përmendur edhe projektet që janë hartuar për qeverisjen e ardhshme.
Muhaxheri premtuar se do të asfaltohen edhe 10 km rrugë në zonën industriale dhe 80 km të tjera për bjeshkët e Rugovës.
