Organizata për rritjen e Cilësisë në Arsim ka publikuar Platformën Kombëtare të rangimit të universiteteve publike në vend, sipas së cilës Universiteti i Prishtinës është në krye të listës për integritet akademik.
Të dhënat e kësaj organizate vënë në pah se Universiteti i Prishtinës ka përmbushur në shkallën 82.5 për qind indikatorët e përcaktuar për këtë vlerësim.
Bazuar në këto të dhëna, Universiteti i Gjilanit është në shkallë më të ulët, me 44.1 për qind. Sipas drejtuesve të Organizatës për Rritje të cilësisë në Arsim, platforma në fjalë nuk synon nxitjen e konkurrencës negative, por është një mjet që e rrit konkurrencën e shëndetshme në arsimin e lartë në Kosovë, kryesisht në universitetet publike që janë në interesin e përgjithshëm shoqëror.
Vlerësimi për integritetin akademik është bërë mbi bazën e pesë indikatorëve: transparencës, barazisë gjinore, raportit staf akademik-student, suksesit në akreditim, si dhe justifikimit të titujve akademikë.
Megjithëkëtë vërejtje për këtë raport kanë adresuar rektori i Universitetit të Gjilanit dhe ai i Universitetit të Gjakovës, duke vënë në pah se raporti në fjalë lë shumë për të dëshiruar.
Rektori i Universitetit të Pejës, ka nënvizuar se platformat e rangimit duke të shërbejnë për t?u përmirësuar në të ardhmen.
Edhe në ranglistat më kredibile ndërkombëtare, Universiteti i Prishtinës listohet i pari nga bartësit e arsimit të lartë në gjithë rajonin, që ofrojnë studime në gjuhën shqipe.
