Lidhja Demokratike e Kosovës ka mbajtur tubim elektoral në qytetin e Prizrenit.
Kryetari i LDK-se Lumir Abdixhiku në këtë tubim ka thënë se kandidati tyre për kryetar, Driton Selmanaj dhe ekipi i LDK-së për Prizrenin, janë gati ta shndërrojnë besimin e qytetarëve të Prizrenit në punë të përditshme, në projekte konkrete dhe në qeverisje me dinjitet.
“Prizreni ynë, qyteti i historisë, i kulturës dhe i bashkëjetesës, sonte na dhuroi një pritje madhështore. Në këtë qytet, në këtë zemër të Kosovës, u bashkuam me qytetarët që besojnë te shpresa, zhvillimi dhe orientimi euro-atlantik i vendit tonë”,ka thënë Abdixhiku.
Ai po ashtu ka thënë se LDK është gjithmonë aty ku qytetarët kërkojnë rrugën e arsyes dhe vizionin e qartë për të ardhmen. Prizreni sot tregoi se ky besim është i pathyeshëm.
