Banorët e Komunës së Shtimes sot patën mundësi të njihen nga afër me programin e Nismës Socialdemokrate. Kryetari i kësaj partie, Fatmir Limaj, tha se me qeverisjen e tyre, Shtimja do të ndryshojë për të mirë.
Me premtimin se hallet e banorëve të Shtimes nuk do të mbesin të pa trajtuara, por ato do të shqyrtohen e adresohen, në këtë qytet u mbajt takim elektoral nga Nisma Socialdemokrate.
Kryetari i kësaj partie, Fatmir Limaj dhe kandidati për kryetar të Shtimes nga kjo parti, Sherif Krasniqi, shpalosën para qytetarëve, planin e programin e tyre,
Kreu i këtij subjekti politik tha se në fokus të qeverisjes së kësaj partie do të jenë edhe nënat vetushqyese dhe pensionistët, prandaj kërkoi nga qytetarët që të votohen kandidatët e Nismës për Kuvend Komuna, në mënyrë që ata të jenë zëri I tyre.
Ndërsa kandidati për kryetar të Shtimes Sherif Krasniqi, u shpreh i bindur se kësaj here, fal përkrahjes së qytetarëve me 12 tetor, do të jenë pjesë e Kuvendit Komunal të Shtimes.
Papunësia si një nga problemet e banorëve të Shtimes, sipas zyrtarëve të Nismës Socialdemokrate, do të gjejë zgjidhje fal programit të tyre I cili parashikon shumë reforma në sektorin ekonomik, por edhe mbështetje në forma të ndryshme për bizneset vogla e të mesme.
