Kjo është një histori që tingëllon si një skenar për një film – një betejë ligjore që zgjati me vite, një konflikt midis familjeve, por edhe prova mjeko-ligjore të mbledhura në një mënyrë krejtësisht të papritur – pështymë nga rruga.
Një gjykatë në Spanjë ka vendosur që një 35-vjeçar nga provinca e Ourenses është djali i një biznesmeni galician të ndjerë, duke i hapur rrugën atij për të trashëguar miliona dollarë.
Ky vendim erdhi pasi një detektiv privat arriti të mblidhte pështymën e gjyshit të tij nga ana e babait, e cila më pas u përdor për analizën e ADN-se . Rezultati ishte i qartë: lidhja biologjike u provua.
Afaristi , i cili vdiq në vitin 2011, e mohoi atësinë për vite me radhë dhe familja, nga frika e një skandali, e kërcënoi nënën e djalit se fëmija do të çohej në Meksike nëse konfirmohej prejardhja. Ajo vendosi ta rriste djalin e saj vetëm, pa asnjë kontakt me babanë.
Kur u rrit, djali vendosi të kërkonte drejtësi. Gjykata e interpretoi refuzimin e gjyshit për t’u testuar personalisht në përputhje me praktikën e Gjykatës Supreme të Spanjës, e cila thotë se provat e besueshme dhe shmangia e testimit i japin gjykatës bazat për të vërtetuar lidhjen familjare me siguri.Në fund, vendimi solli jo vetëm të drejtën për një trashëgimi me vlerë disa miliona, por edhe kënaqësi simbolike, që është njohja e së vërtetës që iu mohua për dekada të tëra.
