Kur ai filloi mandatin e tij të parë presidencial në vitin 2000, gruaja e tij e atëhershme, Lyudmila, i qëndroi pranë në të gjitha ngjarjet publike. Në vitin 2008, Putin prezantoi “Ditën e Familjes, Dashurisë dhe Besnikërisë” në Rusi, e cila festohet çdo vit më 8 korrik, dhe simboli i saj është margarita – një shenjë pastërtie dhe gëzimi.
Megjithatë, siç shkruan revista gjermane Focus, Putini po luante qartë një lojë të dyfishtë në skenën politike.
Sipas librit, në vetë Kremlinin nuk kishte asnjë gjurmë harmonie familjare. Autorët përshkruajnë se si Putini e shkatërroi gradualisht familjen e tij përmes poshtërimit, dhunës dhe vizitave të shpeshta në bare striptizmi.
Në filli të viteve 1990, ai ishte një mysafir i shpeshtë i barit të natës “Luna” në Shën Petersburg. Zyrtarisht, sipas raportimeve nga gazeta ruse Njezavisimaja Gazeta e vitit 1999, ai u takua me partnerë biznesi atje.
Në realitet, sipas të njëjtës gazetë, ai tërhiqej nga shfaqjet erotike të quajtura “Moon Fantasy”. Me sa duket, ai klub ishte një “shtëpi e dytë” për të, dhe firma e tij është ende në një nga muret. Në atë kohë ai ishte i martuar (që nga viti 1983) dhe kishte dy vajza – Maria dhe Ekaterina. Ludmila, e cila nuk e dinte në atë kohë se burri i saj ishte i punësuar nga KGB-ja, jetoi për një kohë të gjatë në padijeni të karakterit të vërtetë të burrit të saj.
“E di që një fqinj i tha disa herë burrit tim: Vladimir, duhet ta ndihmosh gruan tënde! Por Putini nuk e mori seriozisht, ai ishte i bindur se edhe në shtatzëninë time të avancuar duhet të bëja gjithçka vetë – madje edhe të mbaja çanta të rënda deri në katin e gjashtë.”
Burime të shumta, në mënyrë të pavarur nga njëra-tjetra, pohuan se Putini e poshtëroi dhe abuzoi fizikisht gruan e tij. Autorët e librit “Perandori Vetëm” deklarojnë gjithashtu se ai kishte një aferë me një grua 23 vjet më të re se ai, të quajtur Svjetlana, me të cilën themeloi një “familje sekrete”. Vajza e tretë e Putinit – Elizaveta – lindi nga kjo marrëdhënie.
Sipas librit, me urdhër të Kremlinit, të gjitha informacionet rreth babait të saj u fshinë nga certifikata e lindjes, përveç patronimikës “Vladimirovna”, që tregon emrin e babait të saj.
Autorët pohojnë se Putini i ka bërë Svetlanën dhe vajzën e tyre milionerë – pasuria e tyre vlerësohet në rreth 100 milionë dollarë. Miqtë e presidentit rus u kanë siguruar atyre apartamente luksoze në vende prestigjioze në Moskë.
Sot, Elizaveta 22-vjeçare, sipas Badanin dhe Rubin, mbetet një sekret shtetëror. Në kohën kur ai jetonte me gruan e tij të dytë, Putini ishte ende i martuar me Lyudmilën; ata u divorcuan zyrtarisht vetëm në vitin 2013, përfundon Focus.
