Protestuesit anti-imigracion i kanë vënë flakën një makine policie jashtë një qendre azili, tha ministri i drejtësisë, një ditë pasi një burrë u arrestua për sulm ndaj një vajze aty pranë. Vajza 10-vjeçare emigrante dyshohet se është sulmuar seksualisht.
Gazeta “The Irish Times”, e cila publikoi një video të makinës së policisë duke u djegur, raportoi se më shumë se 500 persona morën pjesë në një protestë në Dublinin perëndimor sonte.
Videot e postuara në X nga mediat irlandeze dhe aktivistët anti-imigrantë tregonin njerëz që mbanin flamuj irlandezë dhe banderola me slogane anti-imigrantë.
Protestuesit hodhën shishe qelqi dhe fishekzjarre drejt oficerëve të policisë.
Sulmuesi duhej të ishte deportuar.
Policia njoftoi të martën se një burrë në të 20-at është akuzuar për një sulm të rëndë ndaj një të mituri në zonë.
Lideri i partisë kryesore të opozitës, Sinn Fein, në parlament të martën citoi raportet se sulmuesi ishte urdhëruar të deportohej në mars të këtij viti.
Edhe pse Irlanda është pothuajse një rast unik i një vendi në Evropë që nuk ka anëtarë të ekstremit të djathtë në parlament, vitet e fundit ka pasur një rritje të ndjeshme të grupeve anti-imigracion që mbajnë tubime të rregullta dhe kërkojnë frenim të imigracionit.
Ja më shumë video nga sonte.
