Policia e Kosovës ka arrestuar katër persona të dyshuar për përfshirje në një incident të rëndë që përfshin tentativë vrasjeje, armëmbajtje pa leje dhe pjesëmarrje në rrahje, pas një mosmarrëveshjeje që dyshohet të ketë eskaluar në përleshje të armatosur.
Sipas njoftimit, njësitet policore kanë intervenuar menjëherë në vendin e ngjarjes, ku kanë kryer bastisje në dy lokacione të ndara – në shtëpitë e të dyshuarve.
Gjatë bastisjeve, janë sekuestruar:
1 pistoletë me 50 fishekë,
2 karikatorë të armës automatike AK-47 me gjithsej 45 fishekë,
si dhe 10 fishekë të armës së shkurtër në një lokacion të dytë.
Me vendim të prokurorit kompetent, të dyshuarit janë ndaluar në mbajtje për procedura të mëtejshme hetimore.
Policia ka konfirmuar se hetimet lidhur me rastin janë ende në zhvillim dhe nuk përjashtohet mundësia e arrestimeve të tjera.
