Kalaja e Borshit, një nga vendet historike më të bukura në Shqipëri, i ka rezistuar sprovave të kohës dhe natyrës, duke u bërë një monument i Perandorisë Bizantine, sipas “Travel and Tour World” (TTW).
Fondi Shqiptar i Zhvillimit, Ministria e Turizmit dhe Bashkia lokale do të punojnë së bashku për të përmirësuar infrastrukturën për vizitorët.
Qëllimi i rinovimit është të përmirësohen vlerat kulturore duke ruajtur të paprekur thelbin historik.
Kalaja e Borshit është një nga vendet më ikonike, me vlera të pasura kulturore.
Fatkeqësisht, shumë struktura nga epoka bizantine janë lënë pas dore dhe janë dëmtuar për shkak të mungesës së kujdesit, duke i bërë projektet e restaurimit te rendesishme.
Restaurimi synon të mbrojë dhe stabilizojë strukturat e kalasë, duke përfshirë muret e fortesës, kullat dhe xhaminë historike të vendosur brenda territorit të Kalasë.
Xhamia, një nga vendet historike, do të restaurohet si pjesë e projektit, dhe do t’i kushtohet kujdes të veçantë ruajtjes së vlerave të saj historike dhe arkitekturore.
Projekti synon një mbrojtje më të gjerë të trashëgimisë kulturore, si dhe promovimin e Shqipërisë si një qendër turizmi kulturor.
Përmirësimi i përvojave të vizitorëve në Kalanë e Borshit
Projekti do të shtojë elementë të rinj digjitalë që synojnë të përmirësojnë përvojën e përdoruesit së bashku me restaurimin e strukturave fizike të Kalasë.
Ndërtimi i shtigjeve të reja do t’u lejojë vizitorëve të kenë akses më të mirë në territorin e kalasë.
Përgjatë shtigjeve, do të instalohen materiale interpretuese për kontekstin historik dhe rëndësinë e këtij monumenti.
Një pjesë, veçanërisht interesante e projektit është ndërtimi i një platforme nga e cila vizitorët do të jenë në gjendje të shohin dhe shijojnë peizazhin mahnitës të Rivierës Shqiptare dhe detit Jon aty pranë, së bashku me tokat përreth Kalasë.
Kjo do t’u mundësojë turistëve të vlerësojnë peizazhin e rajonit së bashku me informacionin rreth historisë së Kalasë.
Së bashku me përmirësimet në strukturë, instalimi i ndriçimit artistik do ta zbukurojë Kalanë natën, duke krijuar një ambient të veçantë për vizitorët.
Përdorimi i teknologjisë moderne të ndriçimit do ta ndriçojë Kalanë pa kompromentuar tiparet historike të strukturës.
Banka Botërore, si financuesja kryesore e restaurimit të Kalasë së Borshit, ka mbështetur gjithmonë projekte për të ruajtur trashëgiminë e vendit – në partneritet me Fondin Shqiptar të Zhvillimit.
Fondi Shqiptar i Zhvillimit, Bashkia e Himarës dhe Ministria e Turizmit, Kulturës dhe Rinisë dhe Sporteve në vend tregojnë angazhimin e qeverisë për të zgjeruar përdorimin e tipareve kulturore të vendit për turizëm dhe për të ruajtur vendet si për vizitorët e huaj ashtu edhe për vendasit.
Kjo do të rezultojë në rritje të turizmit në rajonin e Himarës, duke rritur interesin për vizita historike, kulturore dhe të përgjithshme drejt pasurisë së historive që Shqipëria ka për të ofruar.
Kalaja e Borshit ndodhet në rajonin e Himarës në Shqipëri, i cili është i njohur për plazhet e tij të bukura, qytetet e vjetra dhe kulturën e veçantë.
Përveç Kalasë së Borshit, e cila është një atraksion i madh, rajoni ka disa nga plazhet më të mira në Shqipëri – që turistët mund të vizitojnë, të tilla si Borshi, Jala dhe Livadhi.
Kalaja Bizantine e Himarës, Kisha e Shën Nikollës që ndodhet në Livadh, i shtohen turizmit kulturor dhe historik në rajonin e Himarës.
Ecjet malore dhe turet në natyrë janë një atraksion edhe në Qafën e Llogorasë aty pranë, duke u ofruar vizitorëve një sërë opsionesh.
Parashikohet që restaurimi i Kalasë së Borshit të rrisë turizmin në rajonin e Himarës në Shqipëri.
Vija bregdetare jugore e Shqipërisë është gjithashtu një faktor për rritjen e turizmit.
Shqipëria po bëhet gjithnjë e më e njohur si një destinacion udhëtimi për turistët që kërkojnë të eksplorojnë perlat e fshehura dhe vendet më pak të njohura në Evropë.
Zhvillimi i turizmit të qëndrueshëm në Shqipëri
Qeveria shqiptare po i fokuson përpjekjet e saj në zhvillimin e turizmit të qëndrueshëm në një rajon me trashëgimi kulturore si Kalaja e Boshit.
Strategjia e qeverisë për këto dekada të fundit është përqendruar në restaurimin dhe investimet në qendrat historike – me qëllim arritjen e përfitimeve maksimale ekonomike të turizmit, duke ruajtur njëkohësisht pasurinë natyrore dhe kulturore të vendit për të ardhmen.
Restaurimi i Kalasë së Borshit synon, brenda një strategjie më të gjerë, të ndërtojë infrastrukturën për një turizëm të qëndrueshëm në rajon, për të siguruar që zhvillimi i turizmit nuk do të ndikojë negativisht në mjedis dhe kulturën lokale.
Shqipëria planifikon të promovojë në mënyrë aktive veten si një destinacion turistik i përgjegjshëm për ata që duan të përjetojnë kulturën e vërtetë dhe bukurinë natyrore të paprekur të vendit.
Kontributi i Kalasë së Borshit në zhvillimin e turizmit në Shqipëri
Hapi i parë i restaurimit të Kalasë së Borshit, i kombinuar me pamjet e bukura të kalasë, bregdetin jonian dhe historinë e fshehur, do ta transformojë atë në një destinacion turistik të njohur në zonën e Himarës.
Në këtë këndvështrim, hapi i parë i restaurimit të Kalasë do të vërë në dispozicion një nga thesaret historike dhe kulturore të paçmuara të Shqipërisë dhe do të hapë rrugën për një valë të re turizmi në zonën jugore të Shqipërisë.
