Policia e Kosovës ka arrestuar një person të kërkuar nga drejtësia, i cili ishte i dënuar me burgim për veprën penale të posedimit të paautorizuar të narkotikëve.
Lajmin për RTKlive e ka konfirmuar zëdhënësi i Policisë së Kosovës, Enis Pllana. Ai bëri të ditur se njësitë e stacionit policor Veriu në Prishtinë sonte kanë arrestuar të kërkuarin T.B. (28 vjeç).
Arrestimi i tij është bërë në kuadër të veprimeve policore me qëllim kapjen e personave të dyshuar dhe atyre të dënuar si autor të veprave penale.
“Në kontekstin e kësaj, sonte nga veprimet e marra nga njësitë e stacionit policor Veriu në Prishtinë, është arritur arrestimi i personit të kërkuar: T.B, mashkull, 28 vjeç, shtetas i Republikës së Kosovës, i dënuar me 2 vite e 2 muaj burgim për veprën penale “Blerje, posedim dhe shitje e paautorizuar e narkotikëve”, si dhe në kërkim si i dyshuar për “Dhunë në familje””, tha Pllana
Ai njoftoi po ashtu se gjatë operacionit të dyshuarit i është gjetur edhe një sasi e dyshuar e substancave narkotike. I njëjti pas arrestimit nga ana e policisë është dërguar në vuajtje të dënimit.
