Zgjedhjet presidenciale në Tanzani janë shndërruar në kaos të plotë në rrugë dhe luftë të hapur midis protestuesve dhe forcave të sigurisë në këtë vend afrikan.
Konkretisht, demonstruesit u mblodhën në shumë qytete të këtij vendi sepse kandidatët kryesorë të opozitës u përjashtuan nga gara zgjedhore. Kjo në thelb i hapi rrugën fitores së Presidentes Samia Suluha Hassan, e cila fitoi 98 përqind të votave.
Komisioni Zgjedhor njoftoi se Hassan fitoi 97.66 përqind të votave me një pjesëmarrje prej 87 përqind, megjithëse dëshmitarët raportuan pjesëmarrje të ulët dhe parregullsi në qendrat e votimit.
“Teksa flasim, numri i të vdekurve në Dar es Salaam është rreth 350, dhe për Mwanza është mbi 200. Kur i shtohen kësaj shifrat nga vende të tjera në të gjithë vendin, totali është rreth 700”, tha ai.
Ai shtoi se numri i viktimave mund të jetë shumë më i lartë sepse vrasjet mund të ndodhin gjatë orës policore të natës që u fut të mërkurën.
Si rezultat, qytetarët shkatërruan edhe pronat në pronësi të kompanive të lidhura me partinë në pushtet, dhe pas kësaj reagoi edhe ushtria.
Shefi i Shtabit të Ushtrisë, Gjenerali Jacob John Mkunda, dënoi dhunën dhe i quajti demonstruesit “kriminelë”. Ai tha se forcat e sigurisë do të përpiqen të kontrollojnë situatën.
