Ky është një lajm mjaft interesant dhe i rëndësishëm për praninë ndërkombëtare të gjuhës shqipe dhe përfaqësimin e Kosovës në media globale.
Gazeta e përditshme saudite Arab News, një nga mediat më me ndikim në Lindjen e Mesme, ka nisur nga sot publikimin e saj në gjuhën shqipe në versionin elektronik. Ne rreth 50 gjuhe te botes mundesohen te lexohen nga AI.
Lajmi u konfirmua nga kryeredaktori i Arab News, Faisal J. Abbas, gjatë një takimi me ambasadorin e Republikës së Kosovës në Mbretërinë e Arabisë Saudite, Lulzim Mjeku.
Falë përpjekjeve dhe kontakteve të ambasadorit Mjeku, lexuesit shqipfolës do të kenë tani mundësinë të informohen drejtpërdrejt nga një prej mediave më të njohura ndërkombëtare, që botohet në mbi 50 gjuhë të botës. Arab News mbetet një lider rajonal në fushën e informacionit, siç e përcakton edhe motoja e saj: “Zëri i rajonit që po ndryshon.”
Në hapësirën e saj të sotme, gazeta ka pasqyruar me rëndësi të veçantë vizitën e presidentes së Republikës së Kosovës, Vjosa Osmani, në Arabinë Saudite, e cila është vlerësuar si tejet e suksesshme. Gjatë kësaj vizite, Kosova ka marrë njohjen nga Siria, një zhvillim i rëndësishëm për forcimin e pozitës së saj në arenën ndërkombëtare.
Ky hap shënon jo vetëm një zgjerim të pranishmërisë së gjuhës shqipe në mediat botërore, por edhe një dëshmi të rritjes së profilit diplomatik dhe mediatik të Kosovës në Lindjen e Mesme dhe më gjerë./kosovatimes
