Presidentja e Kosovës, Vjosa Osmani, ka vlerësuar lartë Njësinë e Operacioneve Speciale të Forcës së Sigurisë së Kosovës, duke theksuar përgatitjen dhe stërvitjen e saj sipas doktrinës së ushtrisë amerikane.
Në një postim në Facebook ajo ka theksuar se FSK është krenaria, nderi dhe zemra e pathyeshme e Kosovës.
“E stërvitur dhe e përgatitur sipas doktrinës së ushtrisë së Shteteve të Bashkuara, për ta mbrojtur atdheun në çdo moment dhe në çdo pëllëmbë të vendit, kjo është Njësia e Operacioneve Speciale e FSK-së: krenaria, nderi dhe zemra e pathyeshme e Kosovës. Ata nuk mbajnë vetëm uniformën e shtetit, por edhe amanetin e lirisë sonë!”, ka shkruar Osmani.
