Kryetari i Lëvizjes Vetëvendosje, Albin Kurti, iu ka bërë thirrje qytetarëve të Mitrovicës, që ta votojnë për kryetar komune kandidatin Faton Peci. Në tubimin elektoral për garën e balotazhit para mitrovicasve Kurti e Peci edhe një herë paraqiten programin dhe vizionin e tyre për zhvillimin e Mitrovicës.
Kurti tha se ky qytet meriton një qeverisje që sjell zhvillim të drejtë, te barabartë dhe me vizion afatgjatë. Ai theksoi se kandidati i Vetëvendosjes, Faton Peci, është njeriu i duhur per ta udhëhequr qytetin drejt ndryshimit te vërtetë, duke e kthyer Mitrovicën në një qendër te ekonomisë, arsimit dhe rinisë.
“Synimi i ynë që ta shndërrojmë Mitrovicën qytet universitar. Universiteti i Mitrovicës që duhet të rritet numri i studentëve është zgjidhja”, tha Kurti
Kurti premtoi përmirësim të mirëqenies sociale për gjithsecilin, derisa përmendi investimet që do të bëhen me qeverisjen e Vetëvendosjes ne qytetin e Mitrovicës.
“Ndërtimi i impiantit për ujëra të zeza, ndërtimi i 8 çerdheve të reja krijojmë i hapësirave të gjelbra, ndërtimi i spitalit të Mitrovicës, zhvillimi i transporti publik”, tha Kurti
Kandidati për kryetar të Mitrovicës nga LVV, Faton Peci, para bashkëvendësve të tij, duke ftuar qytetarët ta votojnë, tha se partia te cilës i takon ka një plan të qartë për zhvillimin e qëndrueshëm të Mitrovicës, duke vendosur qytetarin në qendër të çdo vendimi.
“Një ekonomin lokale dhe administratë për punësim dhe shanse të barabarta për të gjithë, synojmë një qytet të pastër dhe të gjelbër, do ta depolitizojmë sistemin arsimor do të investojmë në sport që të kemi fusha alternative, ne do të themelojmë dy ndërmarrje të reja për transport publik dhe ndërmarrje banesore”, tha Faton Peci, kandidat për kryetar të Mitrovicës.
Kandidati për kryetar të Mitrovicës nga Lëvizja Vetëvendosje, Faton Peci, do ta ketë në garë kundërkandidatin nga Partia Demokratike të Kosovës.
