Presidentja e Kosovës, Vjosa Osmani, ka shprehur ngushëllime pas zjarrit tragjik në një shtëpi kujdesi në Tuzla, ku humbën jetën disa persona.
Ajo ka theksuar se populli i Kosovës është thellësisht i pikëlluar nga kjo ngjarje e rëndë dhe se vendi ynë qëndron pranë popullit të Bosnjë e Hercegovinës në këto momente të dhimbshme.
“Populli i Kosovës është i pikëlluar thellë nga zjarri tragjik në një shtëpi kujdesi në Tuzla, i cili ka marrë jetë të çmuara dhe ka lënë familjet në dhimbje të thellë. Në emër të popullit të Kosovës, shpreh ngushëllimet më të sinqerta për familjet e viktimave dhe për popullin e Bosnjë e Hercegovinës. Uroj që kujtimi i atyre që humbën jetën t’u sjellë ngushëllim të afërmve të tyre, dhe që të plagosurit të shërohen shpejt e plotësisht. Ngushëllime të sinqerta për familjet e viktimave. Republika e Kosovës është me ju!”, ka shkruar Osmani në X.
