Sot rreth orës 18:12, në rrugën “Ismajl Kryeziu” në Prizren ka ndodhur një aksident trafiku, ku një këmbësor ka humbur jetën.
Lajmin për RTKlive e ka konfirmuar zëdhënësi i Policisë për rajonin e Prizrenit, Shaqir Bytyqi.
Ai ka thënë se menjëherë pas marrjes së informatës, në vendin e ngjarjes kanë dalë njësitë policore përkatëse dhe eprorët policorë. Viktima është një mashkull i moshuar, i cili deri tani është ende i paidentifikuar.
Sipas Bytyqit, i dyshuari për aksidentin është një zyrtar policor nga Prizreni, i cili në momentin e ngjarjes ka qenë jashtë detyrës dhe duke udhëtuar me veturë private. Ai aktualisht ndodhet në Stacionin Policor të Prizrenit.
“Për veprimet e mëtejshme administrative dhe penale do të koordinohemi me Inspektoratin Policor të Kosovës (IPK) dhe Prokurorin Kujdestar, për çka do të njoftoheni me kohë. Lidhur me rastin janë njoftuar Prokurori i Shtetit dhe Inspektorati Policor i Kosovës, të cilët janë duke u marrë me procedurat e nevojshme hetimore”, tha zëdhënësi Bytyqi.
