Gjithçka është gati për edicionin e radhës të Turneut Ndërkombëtar të Boksit “Adem Jashari”, një nga ngjarjet më të rëndësishme sportive që mbahet çdo vit në nderim të heroit kombëtar Adem Jashari.
“Ky turne do të zhvillohet në Prishtinë, në Pallatin e Rinisë dhe Sporteve, më 15 dhe 16 nëntor, dhe do të mbledhë boksierë nga shumë shtete, të cilët do të garojnë për titullin prestigjioz dhe për nder të një emri që simbolizon guximin, sakrificën dhe krenarinë kombëtare”, thuhet në njoftimin e Federatës së Boksit të Kosovës.
Organizatorët kanë bërë të ditur se “të gjitha përgatitjet kanë përfunduar – arena është gati, dhe atmosfera pritet të jetë spektakolare”.
Datat: 15–16 nëntor
Vendi: Pallati i Rinisë dhe Sporteve, Prishtinë
Gjysmëfinalet: 15 nëntor, ora 16:00
Finalet: 16 nëntor, ora 12:00
