Bashkimi Evropian ka vlerësuar organizimin e suksesshëm të raundit të dytë të zgjedhjeve lokale në Kosovë. BE ka thënë se mirëpret zhvillimin e rregullt dhe inkluziv të balotazhit të zgjedhjeve për kryetar komunash që u mbajt të dielën në Kosovë.
“Në bëjmë thirrje për zbatim të shpejtë të rezultateve të zgjedhjeve” ka porositur një zëdhënës i BE-së.
Qytetarët në 18 komuna votuan, më 9 nëntor, raundin e dytë të zgjedhjeve lokale, për t’i zgjedhur kryetarët e tyre përkatës. Në këtë rund, LDK-ja fitoi pesë komuna, LVV-ja dhe AAK-ja në katër, ndërkaq PDK-ja në tre. Sipas Komisionit Qendror të Zgjedhjeve, dalja ishte mbi 32 për qind.
Edhe OSBE e ka vlerësuar organizimin e suksesshëm të raundit të dytë të zgjedhjeve lokale në Kosovë, duke përgëzuar KQZ-në për profesionalizëm dhe përkushtim në forcimin e demokracisë.
