Ish-presidenti francez, Nicolas Sarkozy, i kërkoi sot një gjykate në Paris lirimin e tij nga burgu, vetëm disa javë pasi ai filloi të vuante dënimin me pesë vjet burg për komplot për të financuar fushatën e tij me fonde nga Libia.
Pasi dëgjoi Sarkozinë, avokatin e tij dhe prokurorin publik, gjykata njoftoi se do të shpallte vendimin e saj në orën 12:30 të pasdites.
Ish-presidenti konservator u dënua për konspiracion kriminal për marrjen e fondeve për fushatën e tij presidenciale nga diktatori libian Muamar Gadafi.
Serioziteti i krimit
Dënimi me burgim i Sarkozisë hyri në fuqi menjëherë për shkak të “seriozitetit të jashtëzakonshëm” të krimit, i tha gjykatës Nathalie Gavarino.
Republikani u burgos në burgun La Sante të Parisit muajin e kaluar, një rënie spektakolare për njeriun që udhëhoqi Francën nga viti 2007 deri në vitin 2012.
Prokurori publik rekomandoi të hënën që Sarkozy të lirohet nga burgu dhe të vihet nën mbikëqyrje të rreptë, me ndalim të kontaktit me të pandehur të tjerë dhe dëshmitarë në gjyq.
Ai pretendon se është i pafajshëm.
Sarkozi mohon fajësinë dhe pretendon se është viktimë e hakmarrjes dhe urrejtjes.
Ai nuk mori pjesë në seancën dëgjimore të hënën, por mori pjesë nëpërmjet lidhjes video nga burgu.
Ai theksoi se do të përmbushte çdo kërkesë nga gjykata për ta liruar atë.
“Unë jam francez, e dua vendin tim. Po luftoj që e vërteta të dalë në dritë. Do t’i respektoj të gjitha detyrimet që më vendosni, siç kam bërë gjithmonë”, tha ai.
Nëse gjykata e liron atë, Sarkozy do të duhet të mbajë një byzylyk elektronik, të lërë një depozitë dhe të paraqitet rregullisht tek autoritetet.
