Shefi i diplomacisë ruse, Sergei Lavrov, komentoi arsyet pse takimi i paralajmëruar midis Presidentit të SHBA-së Donald Trump dhe Presidentit rus Vladimir Putin nuk u zhvillua.
Sipas Lavrov, Presidenti i SHBA-së Donald Trump mori “raporte sekrete” që e çuan atë të refuzonte një takim me Presidentin rus Vladimir Putin në Budapest.
“Nuk dihet se nga dhe nga kush erdhën raportet prapa skenave për udhëheqësin amerikan, pas të cilave ai ose e shtyu ose e anuloi samitin në Budapest. Por unë ju paraqita një pasqyrë të ngjarjeve, bazuar vetëm në faktet për të cilat unë jam përgjegjës. Dhe nuk kam ndërmend t’u përgjigjem gënjeshtrave të dukshme në lidhje me ‘mosgatishmërinë e Rusisë për negociata’ ose ‘ndërprerjen e samitit në Anchorage'”, tha Lavrov.
Ai shton se Donald Trump dhe Vladimir Putin ranë dakord për një takim ballë për ballë gjatë një telefonate në mesin e tetorit, ndërsa Budapesti u zgjodh si vendndodhja.
Bisedimet dështuan sepse disa ditë më vonë Trump njoftoi se nuk donte të “humbte kohë” dhe për këtë arsye nuk do të merrte pjesë në bisedimet me presidentin rus.
“Ne mbetemi të gatshëm të mbajmë një samit të dytë ruso-amerikan në Budapest, nëse ai vërtet mbështetet në rezultatet e konsoliduara të Alaskës. Megjithatë, data nuk është caktuar ende. Kontaktet ruso-amerikane vazhdojnë”, shtoi Zelensky.
