Kryeministri në detyrë Albin Kurti, ka reaguar pas fitores 2:0 të Kosovës ndaj Sllovenisë, e cila i siguroi dardanëve plejofin e Kampionatit Botëror 2026. Përmes një postimi në Facebook, ai ka thënë se ekipi e nisi këtë fushatë me besim dhe tani po vazhdon me vetëbesim.
“Ia nisëm këtë fushatë të kualifikimeve me besim. Në fazën tjetër hyjmë me vetëbesim. Sonte bëmë histori, e ëndrrën vazhdojmë ta ndjekim. Faleminderit për emocionet dhe gëzimin, Kosovë. Me ty, gjithmonë!”, ka shkruar Kurti.
Fitorja ndaj Sllovenisë ka ndezur optimizmin për kualifikimin e parë historik të Kosovës në një Botëror.
