Deputeti i PDK-së, Altin Krasniqi, i biri i Jakup Krasniqit, gjatë një vizite në Hagë ka theksuar se çlirimtarët, edhe pse tash e pesë vite ndodhen në paraburgim, mbeten të pathyeshëm dhe krenarë, dhe se shumë shpejt do të kthehen të lirë në vendin e tyre.
Ai ka falënderuar të gjithë përkrahësit për kohën, angazhimin dhe forcën që i kanë dhënë familjes së tij gjatë kësaj periudhe të vështirë. Krasniqi gjithashtu ka treguar se edhe pse fizikisht nuk ka mundur të jetë me qytetarët në Strasburg, me zemër ka qenë gjithmonë me ta, duke kërkuar drejtësi.
“Ju falënderoj secilin veç e veç për përkrahjen, kohën, angazhimin dhe forcën që na keni dhënë në këtë periudhë kaq të vështirë. Një gjë është e sigurt: edhe pse tash e 5 vite në paraburgim, çlirimtarët tanë mbeten të pathyeshëm e krenarë, dhe shumë shpejt do të kthehen të lirë në vendin e tyre”, ka shkruar Krasniqi.
