Kosova e ka mbyllur me barazim 1–1 ndeshjen e fundit të kualifikimeve për Kupën e Botës 2026, në sfidën e luajtur sonte ndaj Zvicrës në stadiumin “Fadil Vokrri”.
Me këtë rezultat, Kosova e përfundon grupin me njëmbëdhjetë pikë dhe siguron vendin e dytë, që e dërgon në “play-off”. Ndërkohë, Zvicra me katërmbëdhjetë pikë konfirmon kreun e grupit dhe kualifikohet drejtpërdrejt në Botëror.
Pjesa e parë është mbyllur pa gola, me të dy skuadrat që kanë zhvilluar lojë të kujdesshme. Zvicra ka pasur një nuancë më shumë në posedim, por nuk ka krijuar rrezik serioz, ndërsa Kosova e ka mbajtur fort në mbrojtje pa arritur të prodhojë raste të pastra.
Helvetikët kanë kaluar në epërsi sapo ka nisur pjesa e dytë.
Në minutën e dyzet e shtatë, Vargas e ka shfrytëzuar një moment të pakujdesisë dhe ka shënuar për 0–1, duke e vendosur Kosovën në presion.
Dardanët kanë reaguar me kalimin e minutave duke e rritur përpjekjen për ndryshim të rezultatit.
Presioni është shpërblyer në minutën e shtatëdhjetë e katërt, kur Florent Muslija ka realizuar një supergol nga distanca, duke ndezur atmosferën në “Fadil Vokrri” dhe duke barazuar shifrat në 1–1.
Në minutat në vazhdim, Kosova e ka kërkuar edhe golin e përmbysjes, por rezultati ka mbetur i pandryshuar deri në fund.
Kosova e barazon rezultatin
Kosova ka arritur ta barazojë rezultatin ndaj Zvicrës.
Ka qenë minuta e shtatëdhjetë e katërt kur Florent Muslija ka shënuar një gol spektakolar me një gjuajtje të fortë nga distanca, duke elektrizuar atmosferën në stadiumin “Fadil Vokrri”.
Golit i ka paraprirë një presion i madh i Kosovës, e cila në minutat e fundit ka shtuar ritmin dhe ka rritur intensitetin në kërkim të barazimit. 
Zvicra kalon në epërsi
Kosova e ka nisur keqe pjesën e dytë të ndeshjes ndaj Zvicrës.
Në minutën e dyzet e shtatë, helvetikët kanë kaluar në epërsi falë golit të shënuar nga Vargas.
Megjithatë, deri në fund të takimit ka ende shumë minuta lojë dhe rezultati mbetet i hapur.
Kosova dhe Zvicra e mbyllin pa gola pjesën e parë
Pjesa e parë e ndeshjes Kosova – Zvicra është mbyllur me rezultat të barabartë 0-0 në stadiumin “Fadil Vokrri” në Prishtinë.
Helvetikët kanë pasur një nuancë më shumë posedimin e topit, por pa arritur të krijojnë raste të rrezikshme për shënim.
Edhe Kosova ka zhvilluar një pjesë të mirë në mbrojtje, por pa mundur të prodhojë ndonjë rast të pastër para portës zvicerane.
Lufta ka qenë kryesisht në mesfushë dhe me pak hapësira për të dyja skuadrat.
Në dispozicion mbetet një pjesë e dytë e plotë, ku të dy ekipet do të tentojnë ta ndryshojnë rezultatin.
Nis ndeshja Kosova – Zvicra
Ka nisur ndeshja mes Kosovës dhe Zvicrës në stadiumin “Fadil Vokrri” në Prishtinë, ballafaqim që mbyll këtë fushatë të kualifikimeve për Kupën e Botës 2026.
Kosova, e cila mban pozitën e dytë me dhjetë pikë, kërkon një rezultat historik për të kapur vendin e parë. Vetëm një fitore me rezultat të thellë 6-0 do ta rrëzonte Zvicrën nga kreu i grupit, aty ku helvetikët kryesojnë me trembëdhjetë pikë. Megjithatë Kosova tashmë e ka siguruar barazhin dhe edhe rezultatet e tjera pos fitores nuk do të mund ta zhvendosnin nga pozita e dytë në ndonjë pozitë më poshtë. Në ndeshjen e parë mes dy kombëtareve, Zvicra kishte fituar bindshëm me shifrat 4-0.
Kosova – Zvicra, formacionet
Janë bërë publike formacionet zyrtare për ndeshjen ndërmjet Kosovës dhe Zvicrës, e cila luhet sonte në stadiumin “Fadil Vokrri” në Prishtinë.
Përballja nis në orën 20:45 dhe transmetohet drejtpërdrejt në RTK.
Zvicra vjen në këtë sfidë si lidere e grupit me trembëdhjetë pikë, ndërsa në përballjen e parë mes dy ekipeve kishte fituar bindshëm me rezultatin 4–0. Për këtë arsye Kosova, që gjendet në vendin e dytë me dhjetë pikë, ka vetëm një skenar që do t’i siguronte kualifikimin direkt në Kupën e Botës 2026: një fitore me rezultat të thellë 6–0. Çdo rezultat tjetër do ta linte Kosovën në vendin e dytë të grupit, duke e dërguar në Play-Off, ku do të kërkojë kalimin në Botëror përmes ndeshjeve shtesë.
FORMACIONET:
